آرشیو 91/03/22 9:18

 

                     هر گون اؤزومو سوپوروب آتیرام ائودن چؤله ...

                     کول قابیم‌داکی اؤلموش سیقارئت جسدی کیمی اؤلورم هر گون ...

                    

                     من دوغولاندا بیر ملک اؤلموشدو بیر اوشاغین قلبینده ...

                     ساحيلده سو ایتی جسدلری وار ایدی اوندا ...

 

                     بالاجا ایدیم، بیر فینجانیم وار ایدی

                     رنگ‌لی، باپبالاجا ...

                     او دا اؤلدو دونن گئجه ...

                     چیرپدی اؤزونو الیم‌ده ن یئره

                     دؤزمه‌دی ...

 

یازان رافیق  | ثابیت لینک |

 

                        چیخیب گئده‌جم بورا‌لاردان ...

                        گؤتورمه‌یه‌جم یاریمچیق یازی‌لاریمی،

                        ان سئودیگیم فینجانیمی ...

                                   بیر بوغچایا ییغیب خاطره‌لریمی،

                                   آتاجام محله‌میزده کی زیبیل یئشیگینه ...

                        یئنه ساچ‌لاریمی دیبین‌ده ن ووردوروب،

                        ننه مین یایلیغی،آتامین گولوشو،آنامین سسی اوچون

                        داریخماغیمی گؤتوروب گئده‌جم...

                                   اونو تانیدیغیم گون گئیدیگیم کؤینك ین بیر دویمه‌سینی،

                                   سئودیگین هر ماهنی‌دان بیر نوت گؤتوروب گئده‌جم...

 

یازان رافیق  | ثابیت لینک |

 

                      من گئدیرم غوربت ائله

                      سن سالامات قال آ داغلار

                      حالاللیق وئر قوی قالماسین

                      اؤره ییمده خال آ داغلار

 

                      هانی منده دؤزوم سن سیز

                      سؤنه جکدی کؤزوم سن سیز

                      قان تؤکه جک گؤزوم سنسیز

                      اولاجاغام لال آ داغلار

 

                     دوستوم یاریم کئچیر گئنده ن

                     دردیم آرتیر گؤنو گؤنده ن

                     منی غمده ن، غمی منده ن

                     آل آ داغلار، آل آ داغلار

 

                     گؤنش گزیب یورولاندا

                     سازین سیمی قئریلاندا

                     گؤیده قارتال وورولاندا

                     منی یادا سال آ داغلار

 

                     قایالاری اله دؤندر

                     جئغیرلاری تئله دؤندر

                     شجاعتی کؤله دؤندر

                     بیر کرمی چال آ داغلار

 

یازان رافیق  | ثابیت لینک |

 

                بو دونیانی اونودارام

                گولوم سنین قوجاغوندا

                بیهوش اولوم قوی لال اولسون 

                دیلیم سنین قوجاغوندا

 

                تاپسا منی قضا قدر

                عؤمروم گونوم گئتسه هدر

                خوش دور منه چکسم اگر

                ظولوم سنین قوجاغوندا

 

                یا وعده نی بو یازا وئر

                یا بهمنی گؤدازا وئر

                هئچ اولماسا ایجازا وئر

                اؤلوم سنین قوجاغوندا

 

یازان رافیق  | ثابیت لینک |

... 93/09/16 21:35

                عاشیق اولانی زولفونه، ای گول ده لی یم من

                   اؤلدور منی آسوده ائله، اؤلمه لی یم من ...

                      زولفون کیمی آردونجا سوروننم هارا گئتسن

                         هر یئرده سریللم یئره گویا خلی یم من ...

 

یازان رافیق  | ثابیت لینک |

 

قوپارديلار مني سنده ن

بوداخ دان مئيوه دئيل

بوغاز دان ديل كيمي ...

سن اوردا قالدين قان ايچينده ...

ديل سيز ...

من بوردا

هاوادان آسيلي ...

 

یازان رافیق  | ثابیت لینک |

 

اینسان اولمایاجاقدیمسا

 اوزاق بیر یول اوستونده اوجالان

 قوجامان بیر آغاج اولایدیم کاش،

 یایایدیم دؤرد یانیما

 یاشیل قولومو،

یول‌دان اؤتن یورغون یولچو

 دینجلیدی کؤلگمده،

 قورودایدی ترینی

و سونرا

 گئدیدی یولونو ...

یازان رافیق  | ثابیت لینک |

یازان رافیق  | ثابیت لینک |

یازان رافیق  | ثابیت لینک |

یازان رافیق  | ثابیت لینک |

 

یازان رافیق  | ثابیت لینک |

نئجه كي بيليرسيز نوروز بايراميندا خالقیمیزین اؤنم وئردیگی ان بؤیوک عونصورلاردن بیری ده چرشنبه‌لر دیر. آذربایجان تورک‌لری‌نین خالق تقویمینه گؤره، قیش فصلی‌نین آخیرینجی آیی بوز آی دیر. بو آیدا هاوا‌لار تئز- تئز بوزاریر، گاه یاغیش یاغیر، گاه دا گون چیخیر. بونا گؤره ده اولو بابا‌لاریمیز بوز آیی دؤرد چرشنبه‌یه بؤلوب‌لر. آنلاییشا گؤره، اولو تانری ایلک اینسانی - آدمی یارادارکن تورپاغا سو قاتیب، پالچیق‌دان اینسان شكلی دوزلدیب، سونرا اونا ایستی نفس وئریب، باهاردا چیچک‌لری، اوتلاری، آغاج‌لاری اویا‌دان یئل‌لره امر وئریب اونو جانلاندیریب. ائله بو سبب‌دن، یعنی بو دؤرد عونصوردن یاراندیغی اوچون اینسان همین دؤرد عونصورو مقدس لشدیریب، هره‌سینه بیر گون آییریب. بئله‌جه بو چرشنبه‌لر سو، اود، یئل، تورپاق چرشنبه‌سی کیمی قئید ائدیلیب.

 بوز آیین بیرینجی چرشنبه‌سی، سو چرشنبه‌سی ‌دیر. سو چرشنبه‌سی ایله باغلی موختلیف آیین و اعتيقادلار دا وار. همین گون سو کناریندا، بولاق باشیندا دایانان اینسان‌لار اورک‌لرین‌دن کئچن‌لری سویا سؤیلمه‌لی، اونون دورو آیناسین‌دان، لپه‌لرین‌دن نیت‌لری‌نین حاصیل اولماسینی آرزولاما‌لی‌دیرلار. سویون قودرتینه اینانان‌لار عادتن، نیکبین طبیعت‌لی اولورلار. سؤیله ییرلر کی، ان پیس قورخولو یوخونو دا سویا دانیشسان خئییر تاپارسان. تا قدیم‌لردن ننه‌لریمیز سویا باخا‌راق دوداق آلتی پیچیلدایارمیش‌لار:

سویون بندینه قوربان، بئله هر فندینه قوربان

سو گلن یئرلره بیرلیک گلر، بار - بهر گلر

سوسوز چؤل‌لرین سینه‌سی جادار - جادار اولار

سو اولان یئرده حیات وار

حتی ان گؤزل قیزا دا تعریف دئینده اونو سو پری‌سینه، سو سوناسینا بنزدرمیش‌لر.

سو ایله باغلی آتا‌لار سؤزلری ده ماراق‌لی‌دیر. بو حیکمت بوغچاسیندا دیققت چکن موقاییسه‌لر وار:

سودا بوغولان سامان چؤپون‌دن یاپیشار

سویون لال آخانی، آدامین یئره باخانی

سو بارداغی سودا سینار

سو آخار چوخورون تاپار

 اینانج‌لار دا مین ایل‌لرین سیناغین‌دان چیخیب. اونا گؤره ده اینسان‌لار همیشه اؤزونو دوغرولتموش مودریک فیکیرلره اینام بسله يیرلر:

قاینار سویو یئره تؤکمزلر

یوخودا سو گؤرمک آیدین‌لیق‌دیر

سو ایچرکن آدامی ایلان دا چالماز

قونشونون سویونو کسمزلر

سو ایچنی قيفیل وورمازلار

سوسوزا سو وئرمه مک گوناه‌دیر

آیاق اوسته سو ایچمزلر

اودو سو ایله سؤن‌دورمک گوناه‌دیر

یول بؤیوگون‌دور، سو کیچیگین

سفر ه چیخانین آرخاسینجا سو آتارلار

آلقیش‌لار دا ماراق‌لی‌دیر:

سو جان عؤمرون اولسون

سو کیمی دورو اولاسان

سو کیمی پاکا چیخاسان

آخار موردار گؤتورمز

 بؤیوک نيظامی اونو دا دئییردی کی:  سؤزون ده سو کیمی لطافتی وار

سو فال‌لارینا گؤره سو چرشنبه‌سی اینسان‌لار بولاق‌دان ائوه سو گتیررلر. بونا ائل آراسیندا لال سو دئییرلر. چونکی هئچ کس دانیشماما‌لی‌دیر. اینانجا گؤره، بو سویون اؤزگه حیکمتی وار. اونو بیر نئچه پیاله‌یه تؤکوب ساخلایارلار. قونوم-قونشوداکی قیزلار بیر یئره ییغیشا‌راق هره‌سی اؤز بختی‌نین اوزوگونو ساچینا سورتوب سویا آتار. اوزوک پیاله‌نین دیوارینا توخونا‌راق نئچه دفعه جینگیلده‌سه، دئمه‌لی، اونون صاحبی سسین سایینا برابر آیدان، ایلدن سونرا گلین کؤچه‌جک. سو فال‌لاری‌نین هر بیر بؤلگه‌ده اؤزونه مخصوص‌لوغو وار. بئله کی، بعضی یئرلرده ایکی اینه‌نین باشینا پامبیق دولاییر، هره‌سینی پیاله‌نین بیر طرفین‌دن سویا سالیرلار. اینه‌لر پیاله‌ده بیر - بیرینه توخونسا، دئمه‌لی، سئوگی‌لی‌لر بیر - بیرینه تئزلیکله قوووشا‌جاق‌لار.





حتی قدیم طبابتیمیزده ده سو ایله باغلی ماراق‌لی مصلحت‌لر وار. سو چرشنبه‌سینده اؤولادی اولمایان قادی‌نین باشین‌دان قیرخ جام سو تؤکسن، نیتین حاصیل اولار. قورخان آدامین سو چرشنبه‌سینده باشین‌دان سو آتسان، قورخوسو کئچر. قدیم‌دن اوزو بری سکسنن، قورخان آداما عادتن، سو ایچیردرلر. باییلان اینسانین اوزونه سو چیله‌سن اؤزونه گلر.

طبیعتده معاليجه وی اهمیتی اولان سولار دا وار. اینسان‌لار موختلیف خسته‌لیک‌لری او طبیعی نعمتین کمکی ایله ساغالدارلار. الله - تعالی بو نعمت‌لری آذربایجان‌دان دا اسیرگه مه‌ییب. تورش سو، ایستی سو کیمی صفا‌لی سولاریمیزین شفاوئریجی خصوصیت‌لری اؤلکه‌میزدن کناردا دا مشهوردور.

سحر تئزدن بولاق‌دان یئددی بالاجا داش گتیررلر. اونلاری ائوین کونجونه و ارزاق قاب‌لاری‌نین ایچینه آتارلار کی، عائله‌نین بار - برکتی داش کیمی یئرین‌دن ترپنمه‌سین، بول اولسون. سو ایله باغلی بایاتی‌لاردا اینسان‌لار اؤز حيس‌لرینی، حتی کئچیردیک‌لری حسرتی، غمی دیله گتیره‌رک سانکی تانری‌نین بو نعمتین‌دن دردلرینه علاج ایستییرلر. سو ایله باغلی تاپماجا‌لاردا دا قدیم اینسان‌لارین تفکورو، دوشونجه طرزی، ماراق دونیاسی وار. ییغجام بیلمه‌جه‌لرین هر بیری قدیم اینسانین آغيلی، دراکه‌سی، تاپینتی‌سی قارشی‌سیندا بو گون ده معاصر نسلی حیرتده ساخلاییر:

آدام دئییل هئی قاچیر، مئشه دئییل سس سالیر (چای)

یئر آلتیندا یاز گئدیر (سو)

بیر آتیم وار آلاجا، اؤزو گئدر، یهری قالار (کؤرپو آلتیندا سو)

سو چرشنبه‌سی آخشامی سوفره‌یه موطلق بیر قابدا سو قویولما‌لی‌دیر. شیرنیات، قورو مئیوه‌لر دوزولمه‌لی‌دیر. همین آخشام عادتن، مرجی پلوو بیشیریلمه‌لی‌دیر. چونکی سو چرشنبه‌سینده سوفره‌نین بزیی لوبیا‌لی خؤرک‌لر ساییلیر. بو گون اینسان‌لار بیر - بیری ایله مئهریبان داورانما‌لی، آرزولاما‌لی‌دیرلار کی، نؤوبتی چرشنبه‌لری ده شاد، خرم کئچیرسین‌لر. سو چرشنبه‌سینه قوشولان نغمه‌لرین بیرینده بئله بیر ایفاده وار:

الله، منی سو ائله، سو گؤزل‌لر یوکودور

 حقیقتن ده، چوخ گؤزل دئییم‌دیر، هم ده منطيق‌لی دوشونولوب‌دور. گؤزل‌لرین یوکو سودان عبارت‌دیر. بلکه ده بولاق‌لارین آیناسیندا گوزگولنن سئوداسی داها تمیز و درین اولور. بو سبب‌دن ده ایگیدلر الینی قولاغی‌نین دیبینه وئره‌رک هارایلاییب‌لار:  

سودان گلن سورمه‌لی قیز

کوچه‌لره سو سپمیشم، یار گلنده توز اولماسین

سو ایله قارشیلاییب سو ایله یولا سالماق بیر عنعنه‌دیر. آشیق علسگر مشهور قوشما‌لاری‌نین بیرینده بیلدیریر کی:

چرشنبه گونونده چئشمه باشیندا بیر آلاگؤز گؤزه‌له وورولوب. چوخ گومان کی، بو دا نووروز مراسیمی‌نین ائله سو چرشنبه‌سی ایله علاقه‌دار کئچیریلن تنتنه ایله باغلی‌دیر.

بئله‌لیکله، عزیز اوخوجولار، ائلیمیزین گؤزه‌لی، سوفره‌میزین بزه يی، دؤرد چرشنبه‌نین از‌لی اولان سو چرشنبه‌نیز موبا‌رک اولسون! آتا‌لار عبس یئره اونو نووروز چرشنبه‌لری‌نین گؤزه‌لی آدلاندیرماییب‌لار. بیلسینیز کی، بو چرشنبه‌ده یوخودا سو گؤرمک، دریادا اوزمک، دنیزه دوشمک، چای‌دان کئچمک، اوممان‌لاردا غرق اولماق آیدین‌لیق‌دیر. بئله خئییرلی یوخولار، خوش یوروم‌لو رؤیا‌لار، گونش‌لی سحرلر آرزولاییریق سیزلره!

یازان رافیق  | ثابیت لینک |



گل آچ اوره ييني دينله ييم سني

دنيز تك چكيليب قابارير سينه ن

ديلين ديه بيلمير قلبين ديه ني

آز قالير آليشان گؤزلرين دينه ...

 

باخيشين كدرلي، اوزون اوتانجاق

بلكه ده قوورولور سؤز اوره يينده

من اوني بيليره م حايات دا آنجاق

سيرلي بير دونيا وار قيز اوره يينده ...

 

ياناقين قيزاريب سسين تيتره يير

دوروب كيپريگينده داملا داملا ياش

تورپاغا زيلله نن باخيشين ديير

تزه جه سئويرسن سن ياواش ياواش ...

 

بيلميرسن حيس كئچر هوس اوتري

دييرسن خوشبخت دير كيمين ياري وار

گوره رسن، سئويليب سئونده ن بري


عؤمرون، اه، نه قدر عذاب لاري وار ...

یازان رافیق  | ثابیت لینک |




بیریمیز قیش اولدوق، بیریميز باهار

سانکی بیلینمیردی، بیزده سئوگی وار

سؤندو اوره گيمده  شیرین آرزولار

سنی باغیشلایا بیلمیرم  آرتیق ...


سویویوب باخیشین، سویویوب قلبین

الیمه دگمه‌سین او سویوق الین

حسرتین چکدیردین منه ایل لرین

سني باغيشلايا بيلميرم آرتيق ...

 

یازان رافیق  | ثابیت لینک |



حوسنون گوزه ل آیت لری، ای سئوگی‌لی جانان

اولموش بوتون عالم ده سنین شانینه شایان

گل ائیله عينايت، منه وئر بوسه لبیندن

چونکی گوزه لین بوسه سی‌ دیر عاشيقه احسان

سوردوم کی کونول هاردا‌دیر آلدیم بو جاوابی

هئچ سورما، تاپیلماز اونو آختارسا دا اینسان

رحم ائیله دئییب، سئل کیمی گوز یاشیمی توکدوم

کیم، قانیم ایله ال یوما، اي آفت دووران

اینصافین اگر وارسا، آچیق ده، بو نظامی

سن له نئجه رفتار ائله سين، اي مه تابان؟



یازان رافیق  | ثابیت لینک |



شكيل لرين چكني : فرزاد تقي زاده


یازی نین آردی
یازان رافیق  | ثابیت لینک |

روحاني ...

 

یازان رافیق  | ثابیت لینک |


داغلار منه گل- گل دئسه اورک ‌دن

گلیب، ائله بو یئرلرده قالاردیم

طبیعتله سئوینجیمی، دردیمی

بؤلوب، ائله بو یئرلرده قالاردیم

 

نفسیمده یاشاداردیم عطرینی

عزيزلردیم چیچک‌لرین خطرینی

عؤمرون- گونون قیمتینی، قدرینی

بیلیب، ائله بو یئرلرده قالاردیم

 

نه گؤزه ل دیر بو داغلارین تالاسی

من گئتسم ده، کؤنلوم بوردا قالاسی

سئوسه منی بیر ظالمین بالاسی

اؤلوب، ائله بو یئرلرده قالاردیم

 

یازان رافیق  | ثابیت لینک |


92/04/25 10:23

                                ییخیلمیش ویرانه لریک ...

                                ایندی نه سنین گؤزلرینده حرام سویا حسرت یانقین‌لاری وار ...

                                نه ده منیم گؤزلریمده شعر ...

                                یاز دئدین

                                 آمما قیش‌لار یاشاییرام هر مؤوسوم ...

                                 آچماق اوزره­ايكن گول‌لر ...

                                 قار یاغیر اوزرینه ...

 

یازان رافیق  | ثابیت لینک |

سنی سئومک ... 92/04/24 12:55

          ائله بیلیرسن آسان دی؟

          چیخیب گئتمک …

          بو شهرین

          هر کونجون‌دن

          اوشاقلیغیم سیزیلدایان

          خاطيره‌لری

          سؤکوب گئتمک ...

 

          ائله بیلیرسن آسان دی

          سنی سئومک …

          بو شهرین یاغیشینی

          باشقا شهرین

          باهارینا دییشیب

          پاییزی‌نین رنگ‌لرینه

          اوز چئویرمک ...

 

          یاغیشی‌نین جیزیلتی‌سینی

          کولیی‌نین ویییلتی‌سینی

          قولاقلاریمدان‌ سؤکمک

          کدری‌نین بوز رنگيني

          دنیزی‌نین ماوی‌سینی

          یارپاغی‌نین ساری‌سینی

          گؤزلرین‌ده کی ظولمته باتیریب

          چیخیب گئتمک ...

 

          ائله بیلیرسن آسان دی

          ال لری‌نین ایستی‌سینی

          گؤزلری‌نین قورخوسونو

          دوداق‌لاری‌نین پیچیلتی‌سینی

          گؤتوروب گئتمک …

 

          ائله بیلیرسن آسان دی؟

          سنی سئومک ...

 

یازان رافیق  | ثابیت لینک |

    آکیف ایسلام‌زاده 1948 اينجي ایلده باکیدا آنا‌دان اولوب. 1979 اونجو ایلده آذربایجان دؤولت ايقتيصاد يونيورسيته سيني بیتیریب. ایختیصاصي ایستئهلاک چی موحاسیب‌دیر. ایفاچیلیغا 1972 اينجي ایلده رشید بئهبوداف آدینا ماهنی تئاتری‌نین ووکالیستی کیمی باشلاییب. 1976 اينجي ایلده آذربایجان دؤولت تله رادیو وئریلیش‌لری شیرکتینده توفیق احمداف ون سیمفونیک ارکسترینده ایشه باشلاییب. حربی خیدمت‌دن سونرا آذربایجان دؤولت کانسرتی‌نین ووکالیستی اولوب. 1992-1993 انجو ایللرده باکی شهری باش مدنیت اداره‌سی‌نین ریيسی اولوب. ماهنیلاریندان‌، ساری گلین و بو گئجه دقت‌لری جلب ائدیب.

بؤیوک صنعتکار آکیف ایسلام‌زاده‌نین سسی‌نین توتولماسی ایسه بوتؤولوکده آذربایجان مدنیتی اوچون فاجعه حساب اولونا بیلر. لاکین آکیف ایسلام‌زاده‌نین سسی، اونودولماز ایفاسی و ماهنی‌لاری تاریخه ابدي هک اولونوب.

ساری گلین

بو گئجه ...

بورا وطن دیر ...

آلا گوزلوم ...

 

یازان رافیق  | ثابیت لینک |



قدير روستم اوف

قدیر روستم اوف 1935 ایلينده آغدام رایونوندا آنا‌دان اولموش، بورادا خواننده کیمی يتیشمیش‌دیر.

اول جه آذربایجان دولت موسیقی مکتبینده اوستاد خواننده حاجی بابا حوسین اوف ‌دان موغام درس‌لری آلمیش، سونرا‌دان آغدامدا تحصیلینی داوام ائتدیرمیش‌دیر. ملاحت‌لی سسی و اؤزونه مخصوص ایفا طرزی ایله خالقین رغبتینی قازانان قدیر روستم اوف خواننده کیمی مشهورلانمیش‌ دیر.

قدیر روستم اوف ون ایفاسیندا بیر سئرا موغام دستگاه‌لاری لئنته آلینا‌راق رادیونون فوندوندا ساخلانیلیر. اونون ایفاسیندا “سونا بولبول‌لر” ماهنی‌سی خصوصیله سئویلیر.

یوکسک سسه مالیک اولان قدیر روستم اوف بوتون موسيقي فورمالاريندا سس کئیفیتینی نوماییش ائتدیرمیی باجاریر.

14 دئکابر 2011 ایلينده تورکیه‌نین ایستانبول شهرینده وفات ائتمیش و باکی شهرینده دفن اولونموش‌دور.

سونا بولبول لر

چاهارگاه

آپاردي سئل لر ساراني

آي دلي جئيران

 

یازان رافیق  | ثابیت لینک |

شاهین ایش گؤرمكي خوشلامیردی. اونا تاپشیریلان ایشی کؤنول‌سوز گؤرر، سونرا "یورولدوم" دئییب اوتوراردی.

بیر گون شاهین کنده - ننه‌سی‌نین یانینا گلیر. آخشام بیر آز اوشاق‌لارلا اوینایان کیمی ساعت سککیز اولمامیش یاتیر.

سحر ننه‌سی اونو نه قدر اویا‌دیرسا، شاهین یورولموشام دئییب دورمور.

یازی نین آردینی تیکله یین...


یازی نین آردی
یازان رافیق  | ثابیت لینک |

sehirli baliq

اوشاق‌لار موراد بابانین باشینا ییغیشمیشدی‌لار. بابا دا اونلارا جاوانلیغین‌دان دانیشیردی. موراد بابا دانیشیردی کی، جاوان اولاندا گؤل‌دن چوخلو بالیق توتاردی‌لار. گؤل قیراغینا گلیب، شن‌لیک قوراردی لار. اوشاق‌لار ماراقلاندی‌لار:

-  موراد بابا، گؤلون کناری چوخ زیبیل‌لی‌دیر، سیز اوردا نئجه شنلنیردینیز؟

-  اوندا گؤلون قیراغی ائله گؤزل، ائله تمیز ایدی کی، آدام حئیران اولوردو. اورا حتی باشقا یئرلردن ده قوناق‌لار گلیردی.

یازی نین آردینی تیکله یین ...

(بو ناغيلين سس لي فايلي)

 


یازی نین آردی
یازان رافیق  | ثابیت لینک |