ماهنی سوزو
دولانارام باشینا
مارال قاچار داغ اوسته ، بولبول اوچار باغ اوسته
نیه مندن کوسورسن ، داغ چکیرسن داغ اوسته
گئتمه گئتمه مارالیم ، نه کی دردین وار آلیم
گؤزلرینه باخماسام ، گؤزلریمدن سالاریم
سئو کی سئون مرد اولار
سئومه ین نامرد اولار
بولبول ده گول باغیندا
بیرجه گوله بند اولار
سئوگیلینی قئناما ، اینانبرسان سئناما
دولانارام باشینا ، گلین اولسان آناما
سنه کونول باغلادیم ، چایلار کیمی چاغلادیم
من سنی بیر دویغو تک ، اوره گیمده ساخلادیم
قوشا خالین زیل قارا ، کیپریگینده میل قارا
اینانماسان عشقیمه ، آند ایچره م ایلقارا
سوز : عاریف
ائل ماهنی سی : قاراگیله
گلمیشم اوتاقینا اویادام سنی
قاراگیله ، اویادام سنی
نه گؤزل خلق ائله ییب یارادان سنی
قاراگیله ، یارادان سنی
گؤتوروب من قاچارام آرادان سنی
قاراگیله ، آرادان سنی
قئزیل گول اسدی
صبریمی کسدی
سیل گؤزون یاشین قاراگیله
آغلاما بس دی
تبریزین کوچه لری دولان با دولان
قاراگیله ، دولان با دولان
اگر منی سئومه ییرسن گت آیری دولان
قاراگیله ، گت آیری دولان
نه منه قئز قحط دیر نه سنه اوغلان
قاراگیله ، نه سنه اوغلان
آغاج اولایدیم
یولدا دورایدیم
سن گلن یئره قاراگیله
کولگه سالایدیم
ائویمیزین قاباقی سو گلن آرخ دی
قاراگیله ، سو گلن آرخ دی
دوروم چیخیم ایوانا یار گلن واخت دی
قاراگیله ، یار گلن واخت دی
یاریم گلیب چیخماییر اوقاتیم تلخ دی
قاراگیله ، اوقاتیم تلخ دی
دربند آرالی
کونلوم یارالی
بیر یار سئومیشم قاراگیله
ائل لر مارالی
ماهنی سوزو
آذربایجان مارالی
(موسی میرزه اف)
آی قیز گزمه آرالی
کونلوم سندن یارالی
گؤزلرینه حیرانام
آذربایجان مارالی
سن بولاغ اوسته گزنده
قیقاجی باخیب گولنده
آلدین صبری قراریمی
آذربایجان مارالی
من قوربانام گؤزلره
شیرین شیرین سؤزلره
بیر قوناق گل بیزلره
آذربایجان مارالی
او گونه قوربان کسره م
گلمه سن سندن کوسه رم
گزه رم سندن آرالی
آذربایجان مارالی
گئدک قیرخ قیز یایلاقینا
مارال جیران اوولاقینا
ائنک عیسی بولاغینا
آذربایجان مارالی
ترش سو اولسون یایلاقیمیز
گؤزل شوشا اوولاغیمیز
سن اولایدین قوناغیمیز
آذربایجان مارالی
